Snjóbrettaæfingar 

Skráning hefst 2.12.2022 kl 12:00

 

Fyrirkomulag vetur 21/22

Æfingargjöld og annar kostnaður:

Æfingatímabil 11. janúar til 19. apríl.

Æfingagjöld fyrir iðkendur í byrjendahóp 36.000 kr árskort í Bláfjöllum er innifalið

Æfingargjöld fyrir almennar æfingar er 64.000 kr, árskort í Bláfjöllum er innifalið. Iðkandi verður að geta farið hjálparlaust í toglyftu og tekið beygjur í báðar áttir. 

Við bjóðum upp á 10% systkina afslátt. Skráning fer fram í gegnum sportabler kerfið. https://www.sportabler.com/shop/brettafelaghfj

Niðurgreiðslur sveitarfélaga eiga við hér eins og í öðru íþróttastarfi, s.s. frístundakort o.s.frv.
 

Byrjendur - Æfingardagar og staðsetningar:

Miðvikudagar kl: 18:00 – 19:00 og 19:10-2010.
Allar æfingar byrja og enda við anddyri aðalskála Bláfjalla eða á skíðasvæðum höfuðborgarsvæðisins. Fyrsta æfing vetrarins verður 12. Janúar, staðsetning tilkynnt þegar nær dregur, þar ætlum við að kynnast hvert öðru og kanna bakgrunn hvers og eins á snjóbrettinu. Æfingastaður er tilkynntur á Facebook síðu snjóbrettadeildar BFH og Sportabler í síðasta lagi kl. 15 á miðvikudögum hjá byrjendahóp. Athugið að æfingar geta verið í fjallinu þrátt fyrir að fjallið sé lokað almenningi. Mjög mikilvægt að allir séu búnir að borða vel fyrir æfingu. Allir iðkendur verða að vera með hjálm og bakbrynju. Engar skipulagðar ferðir eru á æfingarnar. Við bendum á rútuferðir eða að foreldrar skiptist á að skutla krökkunum.

 

Almennar æfingar - Æfingadagar og staðsetningar:

Þriðjudagar & fimmtudagar kl: 18:00 – 20:00.
Allar æfingar í Bláfjöllum byrja við anddyri aðalskála Bláfjalla nema yfirþjálfari tilgreini annað. Æft verður í Bláfjöllum ef veður leyfir. Ef lokað er í Bláfjöllum og Skálafelli verða æfingar haldnar innanbæjar. Á innanbæjaræfingum verða svokallaðar jib æfingar, þ.e. krakkarnir renna sér á rörum, handriðum og litlum pöllum. Fyrsta æfing vetrarins verður 11. Janúar, staðsetning tilkynnt þegar nær dregur, þar ætlum við að kynnast hvert öðru og kanna bakgrunn hvers og eins á snjóbrettinu. Æfingastaður er tilkynntur á Facebook síðu snjóbrettadeildar BFH og Sportabler í síðasta lagi kl. 15 á þriðjudögum og fimmtudögum.


Athugið að æfingar geta verið í fjallinu þrátt fyrir að fjallið sé lokað almenningi. Mjög mikilvægt að allir séu búnir að borða vel fyrir æfingu. Allir iðkendur verða að vera með hjálm og bakbrynju. Engar skipulagðar ferðir eru á æfingarnar. Við bendum á rútuferðir eða að foreldrar skiptist á að skutla krökkunum. 

Vanalega fer allur janúar mánuður á æfingum í að greina betur getu iðkenda og hliðra til svo viðkomandi fái verkefni við hæfi.


BFH er ekki með skipulagðar ferðir eru á æfingarnar en við bendum á rútuferðir samkvæmt rútu áætlun (sjá á www.blafjoll.is ) eða að foreldrar skiptist á að skutla krökkunum.

 

Ath ef það er lokað í fjallinu fyrir almenning gengur rútan ekki uppí fjall!!

Okkur hlakkar gríðarlega til komandi vetrar og ætlum að gera allt sem við getum gert til að gera þetta að skemmtilegasta og stærsta vetri BFH.

Skráning: https://www.sportabler.com/shop/brettafelaghfj

og hægt að senda fyrirspurnir á bfh@bfh.is

Kv. Snjóbrettadeild BFH